image1 image1 image1

Bòkriek.

08:11u zunjigmurge, Ber steurt ein bericht , ich hub mich versloape , komtj Bie mich langs.

08:25u ich Rie noa t durp , zoeft Bér veur Mien naas door op de groeate weeg. Dè is waal hieël snel geweast.

Wè stoan Bie Thieuke mèt 5 man: Bèr, Guido, Jo,Frank B en ich. Woea gaan we op aan stelle we oos de vroag, ich weit waal get en kieke woea de windj vanaaf kumtj want het weijt bèst waal get. Via Tongerlo , Opitter rieje we noa Wiesjhage om zoeë richting Zwartberg te fietse. Ich kom mer neet op toere huuer ich op de achtergrondj , det is met det laat opstoan.We hove neet achterom te  kieke , we huere det Ber det is. Sinds kort likt hè auch neet mieer allein in bed. Det verklaort  alles. Veur Zwartberg drije we aaf richting Houthalen - Oost en pakke de toeristische weeg noa Bòkriek, omdat we mer met 5 zeen is det good te doon. Ich haai inne kop om dé paad door het water te pakke , waas er al ins geweast me wist het neet mieer just. Zulle we effe pisse vrooge er zich Ein paar helop aaf. Hie stuit de piel om door het water te  rieje. Ber is wakker. Efkes later reeje we tusse twieë vievers door met het water tot aan oos lippe.

We stoke de Ginkersteinweeg euver richting tuikabelbrug in Godsheide, toen moste we serieus in de remme want Ber dè haai get te vertelle waat he woonsdig haai metgemaaktj op de Slingerberg in Kanne. Sjoeaan verhoal mer de vaart waas er hieëlemoal oet. Ich goan det hie noe neet oet de deuk doon , det zal Ber zelf nog waal ins doon. En ge kintj Ber , he verteltj het sjoean.

Langs het kanaal reeje we met de windj in de ziej volle sjars richting Gink- Zuid . Jo haai er zin in en gaaf volle gaas, Frank bleef get achter , he wol nog get extra traine en Ber en ich zote in eine zètel achter Jo en Guido. Zoea Reje we langs de veurmalige Fordterreine richting Wiemesmeer. Tusse Wiemesmeer en de Europalaan haaie we nog effe geluk want we kwoome bienoa frontaal in botsing met eine angere groep wielerterroristen.

Die wore nog erger den oos. Kuukes.

Via As , Opootere, Neerglabbeek ging het in vol tempo noa Opitter en zoea via brook terug noa Thieu.

Bie eine koje grimberge en een heite tas koffie woort nog get noagekeuveldj toen ooze professor auch kwaam binnegeweidj. He haai nog get achterstandj weggetraindj om de volgende kieër weer Bie de groep aan te sloete. Dets the spirit.

Ber kos weer aan zien verhoal beginne.........

Pé zien rit is met plezeer euvergepaktj.

 

 

free joomla templatesjoomla templates

Strava

2019  wtc-molenbeersel.be   globbers joomla template